Online Campus
ဆေးတက္ကသိုလ်-မန္တလေး ကြားကာလယာယီတက္ကသိုလ်ကောင်စီကို ဆရာကိုယ်စားလှယ်များ၊ ကျောင်းသားကိုယ်စားလှယ်များ၊ ဝန်ဌာန်းကိုယ်စားလှယ်များဖြင့် ဖွဲ့စည်းထားပြီး ပါမောက္ခချုပ် ဒေါက်တာခင်မောင်လွင်က နာယကအဖြစ် ဆောင်ရွက်လျက်ရှိသည်။ ကြားကာလ ယာယီတက္ကသိုလ်ကောင်စီကို အမျိုးသားညီညွတ်ရေးအစိုးရက ဆေးတက္ကသိုလ်-မန္တလေးကို စီမံခန့်ခွဲသည့် အဖွဲ့အစည်း အဖြစ် တရားဝင်အသိအမှတ်ပြုထားပြီး တက္ကသိုလ်ကိုယ်ပိုင်စီမံအုပ်ချုပ်ခွင့်ဖြင့် စီမံခန့်ခွဲလျက် ရှိသည်။ ကြားကာလယာယီတက္ကသိုလ်ကောင်စီ၏ အခြေခံလုပ်ငန်းစဉ် (၃)ရပ်အဖြစ် CDM ဆရာနှင့်ဝန်ထမ်းများ ထောက်ပံ့ကူညီရေး၊ ကြားကာလပညာရေးဖော်ဆောင်ရေးနှင့် အနာဂါတ်ပညာရေးအတွက် အခြေခံအုပ်မြစ်များ ချမှတ်နိုင်ရေးတို့ပါဝင်သည်။ ကြားကာလပညာရေးအစီအစဉ်သည် စစ်ကျွန်ပညာရေးကို သပိတ်မှောက်ထားသော ဆေးတက္ကသိုလ်-မန္တလေး ကျောင်းသားကျောင်းသူများ၏ ပညာသင်ကြားပိုင်ခွင့် (Right to Education) မဆုံးရှုံးစေရေးအတွက် အကောင်အထည်ဖော်ဆောင်ရွက်ခြင်း ဖြစ်သည်။
မျှော်ရည်ချက်(Vision)
ဦးတည်ချက် (Mission)
တန်ဖိုးထားမှုများ (Values)
ရည်ရွယ်ချက်များ
ဆေးတက္ကသိုလ်-မန္တလေးကျောင်းသားကျောင်းသူများအားလုံး၏ စဉ်ဆက်မပြတ် သင်ကြားသင်ယူရေးကို အထောက်အပံ့ပေးနိုင်ပြီး တော်လှန်ရေးကာလအရေးပေါ်အခြေအနေများတွင် ဆေးပညာဖြင့် အထောက်အကူပေးနိုင်သည့် ပညာရေးရပ်ဝန်းတစ်ခု ဖော်ဆောင်ရန်။ ဦးတည်ချက် (Mission) ဆေးတက္ကသိုလ်-မန္တလေးကျောင်းသားကျောင်းသူများအတွက် တော်လှန်ရေးကာလနှင့် လိုက်လျောညီထွေ ဖြစ်သည့် သင်ကြားသင်ယူမှုများကို Onlineသင်ကြားသင်ယူမှုစနစ်ဖြင့် အကောင်အထည်ဖော်ဆောင်ရွက်မည်။
ဆေးတက္ကသိုလ်-မန္တလေးကျောင်းသားကျောင်းသူများအတွက် တော်လှန်ရေးကာလနှင့် လိုက်လျောညီထွေ ဖြစ်သည့် သင်ကြားသင်ယူမှုများကို Onlineသင်ကြားသင်ယူမှုစနစ်ဖြင့် အကောင်အထည်ဖော်ဆောင်ရွက်မည်။
ကြားကာလပညာရေးအစီအစဉ်ကို ဆောင်ရွက်ရာတွင် (၁) ပညာရပ်ဆိုင်ရာလွတ်လပ်မှု (Academic Freedom) (၂) အားလုံးပါဝင်နိုင်မှု (Inclusiveness) (၃) မျှတမှု (Fairness) (၄) တရားမျှတမှု (Justice) (၅) ဒီမိုကရေစီ (Democracy) တို့ကို တက္ကသိုလ်၏ အဓိကတန်ဖိုးထားမှုများအဖြစ်သတ်မှတ်သည်။
ကြားကာလပညာရေးအစီအစဉ်၏ ရည်ရွယ်ချက်များမှာ အောက်ပါအတိုင်း ဖြစ်သည်။ (၁) အတန်းအသီးသီးအတွက် တော်လှန်ရေးကာလနှင့် လိုက်လျောညီထွေဖြစ်သော သင်ရိုးများရေးဆွဲရန် (၂) လုံခြုံစိတ်ချရပြီး စနစ်တကျစီမံခန့်ခွဲနိုင်သော သင်ယူမှုစီမံခန့်ခွဲရေးစနစ် (Learning Management System) ကို ထူထောင်ရန် (၃) အွန်လိုင်းမှတစ်ဆင့် သင်ကြားသင်ယူရေးလုပ်ငန်းများ ဖော်ဆောင်ရန်။