About UMM
ဆေးတက္ကသိုလ် (မန္တလေး)
History
The University of Medicine, Mandalay began as a Branch Medical Faculty (BMF) of the University of Rangoon in 1954, which in 1958 became the Faculty of Medicine, Mandalay. In 1964, it became an independent Institute of Medicine, Mandalay, offering an undergraduate M.B., B.S. program to an inaugural class of 36 students. Graduate programs began in 1968 with a master’s degree program in physiology. The formal name, Institute of Medicine, Mandalay, was changed in 2005 to the University of Medicine, Mandalay. Today the university now offers a number of graduate diploma, master’s, and doctoral programs.
၁၉၅၄ ခုနှစ်တွင် ဆေးတက္ကသိုလ် (မန္တလေး)သည် ရန်ကုန်တက္ကသိုလ်၏ ဆေးပညာဌာနခွဲ (Branch Medical Faculty) တစ်ခုအဖြစ် စတင်ခဲ့ပြီး ၁၉၅၈ ခုနှစ်တွင် ဆေးပညာဌာန (Faculty of Medicine) အဖြစ် ပြောင်းလဲလိုက်သည်။ ၁၉၆၄ ခုနှစ်တွင် ဆေးတက္ကသိုလ် (မန္တလေး)(Institute of Medicine, Mandalay) အဖြစ် သီးခြားတည်ထောင်ခဲ့ပြီး ကျောင်းသားကျောင်းသူ (၃၆)ယောက်ကို ဆေးပညာဘွဲ့ (MBBS)အတွက် စတင်သင်ကြားပေးသည်။ ဘွဲ့လွန်သင်တန်းများကို ၁၉၆၈ခုနှစ်တွင် ဇီဝကမ္မဗေဒဘွဲ့လွန်သင်တန်းဖြင့် စတင်ခဲ့သည်။ ၂၀၀၅ခုနှစ်တွင် University of Medicine, Mandalay သို့ အမည်ပြောင်းလဲခဲ့သည်။ ယနေ့အချိန်တွင် ဆေးတက္ကသိုလ် မန္တလေးမှ ဘွဲ့ဒီပလိုမာ၊ မာစတာ၊ ဒေါက်တာ ဘွဲ့သင်တန်းများစွာ သင်ကြားပေးနေပြီဖြစ်သည်။
မတရားမှုအောက် ဒူးထောက်တဲ့ အောက်တန်းစား ပညာတတ်မျိုးတော့ ဘယ်တော့မှ အဖြစ်မခံဘူး။
Prof Dr Khin Maung Lwin — Patron
University of Medicine, Mandalay
History of University Council
ဆေးတက္ကသိုလ် – မန္တလေး ကျောင်းသားများသမဂ္ဂသည် အကြမ်းဖက်စစ်ကောင်စီက တိုင်းပြည်အာဏာကို အတင်းအဓမ္မ စတင်လုယူသွားသော ဖေဖော်ဝါရီ ၁ ရက်နေ့ကတည်းကပင် ဖက်ဆစ်စစ်တပ်၏လုပ်ရပ်အား ပြင်းထန်စွာရှုံ့ချကြောင်း စာထုတ်ပြန်ခဲ့ကာ စစ်အာဏာရှင်တိုက်ဖျက်ရေး လုပ်ငန်းများကို ယနေ့အချိန်ထိ တစ်စိုက်မတ်မတ် လုပ်ကိုင်ခဲ့ပါသည်။
ထို့အတူ ဆေးတက္ကသိုလ် – မန္တလေးကျောင်းသားထုမှာလည်း အကြမ်းဖက်စစ်ကောင်စီ အုပ်ချုပ်နေသောလအတွင်း မည်သည့်နည်းဖြင့်ခြိမ်းခြောက်ပါစေ လုံးဝဥဿုံ ကျောင်းဆက်တက်မည်မဟုတ်ကြောင်း အတန်းလိုက် စာထုတ်ပြန်ကာ သပိတ်မှောက်ဆန္ဒပြခဲ့ကြောင်းလည်း အများသူငှာ သိရှိပြီးသားဖြစ်သည်။ ထိုမျှသာမက ဆေးတက္ကသိုလ် – မန္တလေးတွင် တာဝန်ထမ်းဆောင်ခဲ့ကြသော ဆရာဆရာမများနှင့် ဝန်ထမ်းပေါင်းစုံတို့သည်လည်း စစ်အာဏာရှင်လက်ထက်တွင် အာဏာဖီဆန်သည့်အနေဖြင့် ရုံးပြန်မတက်ပဲ CDM ပြုလုပ်နေခဲ့ကြသည်မှာလည်း ယနေ့ထက်တိုင်ပင်ဖြစ်သည်။ ထို့ကြောင့် ဆေးတက္ကသိုလ် – မန္တလေး၏ ကျောင်းသားထု၊ ဆရာထုနှင့် ဝန်ထမ်းထုတို့သည် ဤတရားမဝင်သော ဖက်ဆစ်စစ်ကောင်စီ၏ အမိန့်ဟူသမျှကို ဆန့်ကျင်သပိတ်မှောက်ခဲ့ရာ အနာဂတ်တွင်လည်း ထိုသို့ပင်ဇွဲလျှော့ခြင်းမပြုပဲ ဆက်လက်တိုက်ပွဲဝင်သွားမည်ဟု သန္ဓိဋ္ဌာန်ချထားသည်မှာ ထင်ရှားပြီးဖြစ်သည်။ ဤသို့ဖြင့် အနာဂတ်တွင် အမိကျောင်းတော် ဆေးတက္ကသိုလ် – မန္တလေးအား အကြမ်းဖက်စစ်ကောင်စီနှင့် စစ်ကောင်စီလက်ပါးစေတို့ထိန်းချုပ်မည့် အုပ်ချုပ်ရေးယန္တရားရန်အား ကြိုတင်ကာကွယ်ရန် ရည်ရွယ်ချက်ဖြင့် ဆေးတက္ကသိုလ် – မန္တလေး ကြားကာလ ယာယီတက္ကသိုလ်ကောင်စီအား ကျောင်းသားထု၊ ဆရာထု၊ ဝန်ထမ်းထုတို့၏ ဘုံသဘောတူညီချက်ဖြင့် ၂၀၂၁ ခုနှစ်၊ မေလ ၅ရက်နေ့တွင် ဖွဲ့စည်းခဲ့သည်။